新年快樂! 今日係年三十, 聽日就係年初一

今日出左去屯門做採訪
間鋪頭叫做二手掂, 嘩, 真係靚到DUMP一聲..

然後起附近買左一盆蘭花俾媽咪
佢都幾鍾意
返到去 BETTER OLE 食晚飯
本身諗住出旺角拎陳綺貞隻碟
但最後都係冇去, 轉戰去左惠康掃年貨

返到黎.. 玩下電腦, 練下結他
咁就凌晨 12 點喇

好好休息埋呢幾日, 然後又開始堆積如山既工作

我諗我真係獨立左好多喇
特別係當你學做記者, 係要自己東奔西走出去採訪
而且時間表係編得密密麻麻
朝早由上水出到去柴灣採訪, 中午就要趕返學校上堂, 堂數可能密到冇飯食
然後落堂就同人補習

雖然辛苦左, 但我覺得咁樣都幾有意思, 比SEM 1 有意義得多
學到野之餘, 又能夠獨立自主
而且讀大學真係令自己可以由唔同角度睇同一件事
諗野既框框唔再係局限卡一加一等於二
呢D就係我一直追求既野

唔係自我中心
而係做一個忠於自己, 獨立堅強, 同時又可以同身邊既人保持良好關係同距離既人

好好學習吧!