| 踏入 12 月,
paper, final exams 愈黎愈近
但係最愛既 x'mas 亦即將隨住 sem break 而黎 咁就一個 sem 喇,
渾渾噩噩就上左 3 個月堂 總算真真正正適應到而家既生活
睇 reference, paper, project, 補習 已經係生活中不可或缺既一部分
未來亦會愈黎愈富挑戰性
學做一個記者, 要真係出去採訪, 寫稿, 俾人省, 甚至做左份稿出黎唔登 呢 d 考驗將會起下年 1 月開始
對於期待而又恐懼既未來, 咬實牙關走落去就得喇! 12 月某一日, 久違了的好好好好好好好好朋友打俾我
話佢個 sem 終於完, 可以出黎食下飯
我心諗, 終於等到你電話喇, 果一通電話簡直就係一種鼓舞
因為漫漫長既學期, 好似同佢 0 聯繫咁,
好唔習慣, 以前無論大小事都會起埋一齊, 無論 ALEVEL 定咩都係永不分離
但係果幾個月, 因為佢要趕 paper, project, 連夜晚食一餐飯都係何等既難
就好似失去左一個重心咁 12 月雖然係辛苦, 但係 sem break 就係苦盡甘來
可以去玩下, 睇返 d 買左返黎十世而未睇既書, 學我一直都想學既結他
自己彈五月天, 陳綺貞, john mayer d 歌係何等幸福呢!
而且, 所有似失去左既野又返返黎 包括我可以見返阿 john, 佢真係靚仔左呀 
同一班好朋友可以聚首一堂, 一齊為 final exam 同 paper 努力
但係我知道呢樣野唔會 last 得耐,
當下個一個 sem 開始, 又係接踵而來既 project, paper, mid-term, 仲有要出外採訪!
雖然我係好開心可以學習, 接觸呢個世界唔同既野 但可能又會因為太忙而 "冇時間學結他", 冇時間睇書, 連起屋企吽下既時間都未必有
最好既朋友又會分離 lu 不過好多野都唔係我地可以自主去控制, 當我地要追求別人所定義既成功既時候,
我地就會付出好多好多野, 甚至忘記自己既夢想同初衷 總之就努力啦! 其實我唔信真係有永遠呢樣野,
所有野都會變, 無論係變好定變壞
所以, 既然佢要變, 就要用盡一切努力令佢變好,
Every cloud has a silver lining 聽返一首笑忘歌啦  |
